Құтқарушының аттасы Александр бағында төбелс шығарып, Владимир Путинге жетпек болды, деп жазады mk.ru.
28 қараша күні Иисус Иосифович Христос Александр бағына келіп, тұрғындармен ілінісіп қалады. Дөрекі азамат көрде жалаңаш жатқанын, енді тіріліп келгенін айқайлаумен болды. Ал өзіне полиция жасағы келгенде президенттің қабылдауына кіргісі келетінін айтқан.
Иисус Путинге ту беріп, көрде жатқанда түсіне не кіргенін айтқысы келген.
Полицейлер тәртіп бұзған азаматты бөлімге жеткізген кезде ол бұрынғысынан да бұзақылық көрсетіп (өзі мығым денелі), бейтаныс адамдарға тап береді.
Инспекторлар бұл азаматты қамап, жедел жәрдем бригадасын шақырады, дәрігерлер оны арнайы ауруханаға алып кетті. Қазір Иисус Христостың қызы қамқорлық жасау жөніндегі құжаттар жинауда. Дәрігерлер оған медициналық комиссия құрылып, әкесін мәжбүрлеп емдеу туралы мәселені қарастыратынын жеткізді.
Айта кетейік, бұл Иисустың алғашқы тәртіпсіздігі емес. «МК» агенттігі бұған дейін осы азаматтың үстінен ұялы телефон ұрлығына қатысты қылмыстық і с қозғалғанын жазған. Ол денсаулық сақтау орталығындағы семинарға келіп, үстелдің үстінде тұрған біреудің телефонын алып кеткен. Кейіннен оны радиобазарда сатып жіберіпті. Сол уақытта ұрыны ұстаған полицейлер оның паспортындағы атын көріп, таңырқаған болатын. Аты-жөні ерекше азаматтың бастан кешкені сол кезден басталған-ды. Сот Иисус Христосты ешқайда кетпеу туралы қолхатпен босатудан бас тартып, кейін қазан айының басында оның ақыл-есі дұрыс емес деп тапты.
«Әкемді қылмыстық жауапкершіліктен босатты, сонда менің амбулаториялық ем тағайындау туралы өтінішімді сот қанағаттандырған еді, - дейді қызы. – Күн сайын ол дәрі ішіп, екі аптада бір рет дәрігерге ине салдырып, жарты жылда бір рет тексерілуі тиіс деп міндеттелді. Себебі, оған қойылған диагноз оңай емес – өзін басқалардан артық санау дерті. Ол басында нұсқауды мүлтіксіз орындап жүрген, бірақ, жақында ешкімді тыңдамай, дәрі ішуден бас тартты».
Қызының айтуынша, әкесінің жағдайы дәл сол емделуден бас тартқан соң қиындап кеткен.
