23 мамыр, 07:30
Қазақстанның тоғыз азаматы Италиядағы жол-көлік оқиғасынан зардап шекті, деп хабарлайды ҚР СІМ сілтеме жасай отырып Elitar.kz.
"Зардап шеккендердің бесеуі ауруханаға жатқызылды. Медициналық тексеруден кейін тағы төртеуі жіберілді. Олар қонақүйде орналасады. Ауруханаға жатқызылғандардан омыртқа, бұғана, қабырғалар сынығы және көптеген зақымданулар анықталды. Алдағы күндері дәрігерлер толық медициналық тексеру жүргізіп, одан әрі емдеу бойынша өз ұсыныстарын береді" делінген ведомство мәліметінде.
Қазақстандық дипломат отандастардың жанында және оларға барлық қажетті көмек көрсетеді. Зардап шеккен азаматтардың туыстары оқиға туралы хабардар етілді.
Қазақстанның Италиядағы Елшілігімен келесі нөмір бойынша байланысуға болады: +390636301130.
Еске салсақ, кеше Италияның Сиена провинциясында туристер болған автобус аударылып кеткен болатын.
ФОТО: Москва 24
