Жаһандық жылынуға қарсы шыққан белсенділер Лондондағы Жаратылыстану мұражайындағы залдардың бірінде еденге жатып алып, қарсылық акциясын өткізді, деп хабарлайды Телеграф ақпараттық порталына сілтеме жасай отырып Elitar.kz.
Лондон жаратылыстану мұражайында Extinction Rebellion экологиялық қозғалысының белсенділері ғимараттың бір бөлігін басып алып, акция ұйымдастырды. Мұндай шараны белсенділер бүкіл әлем бойынша екінші апта бойы өтіп жатқан жаһандық жылынуға қарсы наразылық акцияларына байланысты ұйымдастырған.
Бұл
жолы 100-ге жуық белсенді мұражай залдарының
бірінде еденге жайғасты. Бұған дейін
Лондон полициясы Extinction Rebellion қозғалысының
мыңнан астам белсенділерін тұтқындаған
болатын. Белгілі болғандай, қазіргі
таңда басты наразылық акциялары Марбл
Арч ауданында өтіп жатыр, наразылық
білдірушілер Лондонның басқа да орталық
қиылыстары мен алаңдарымен жүріп өтті.
Осы аумақтан оларды құқық қорғау қызметі
ығыстырған.
Соңғы мәліметтер бойынша,
наразылықтың алтыншы күні, 20 сәуір күні
Лондонда полиция 715 адамды
тұтқындады. Дүйсенбі, 15 сәуірде
мыңдаған экологиялық белсенділер
үкіметті климаттың өзгеруіне қарсы
күрес үшін көбірек күш салуға мәжбүр
ету мақсатында Орталық Лондонның бөлігін
бұғаттай бастады. Наразылық кезінде
белсенділер бірнеше көшені жауып
тастады.
Бұған дейін хабарланғандай,
климаттың белсенді қорғаушысы болып
табылатын Швециядан келген 16 жасар
оқушы Грета Тунберг кино және масс-медиа
саласындағы "Золотая камера" неміс
марапатының лауреаты атанған
болатын.
Аспергер синдромы бар 16 жасар оқушы өзінің марапатын Гамбах орманының қорғаушыларына арнап, танымал адамдарды климаттың өзгеруінен келетін қауіп туралы ескертуге шақырды.
Ал елімізде мұражайға жатып алып, наразылық акциясын өткізу шарасы болған емес. Керісінше, "Рухани жаңғыру" мемлекеттік бағдарламасы аясында Қазақстанда дәстүрлі "Мұражай түні " аталып өтілді. Келушілер мұражай қызметкерлері мен жәдігерлерге осылай құрмет көрсетті.
