25 қаңтар, 10:00
1998 жылғы Олимпиада ойындарының екі дүркін чемпионы Ольга Данилова спорт мектебінің директоры Екатерина Шагованың соққыға жығылуына байланысты дау-дамайға тап болды.
Данилова «Жеңіл атлетика және шаңғы жарысы бойынша Данилова атындағы спорт мектебі» директорының кабинетіне шақырған және Шагованың айтуынша, спорт мектебінің ұжымын біліксіз деп айыптаған, мектептегі іс-шаралар «ауылдың деңгейінде» өтеді деп мәлімдеген.
Директор Данилованың мекемеге 5 жыл бойы келмей жүргенін айтқан кезде бұрынғы шаңғышы құтыда тұрған жаңа жылдық шыршаны жұлып алып, Шагованың басынан ұрған. Куәгерлердің айтуынша, шыршада ойыншықтар мен сәнді заттар болған екен. Шагова қарсылық көрсетуге тырысқан сәтте Данилова мектеп директорын тұншықтыра бастапты.
Шагова соққыдан көгерген денесін ауруханаға көрсетіп, полицияға арыз жазды. Кейінірек Данилова өзі соққы алғаны туралы оған қарсы арыз жазған. Дегенмен, облыстық полиция басқармасы қылмыстық іс қозғамады, себебі, сараптама екі тараптың ешқайсысының денсаулығына зиян келгенін анықтамаған, деп жазады «Новый город Александров».
Фото - «Комсомольская правда
Автор:
Татьяна Дроздова
