07 желтоқсан, 09:50
Францияда жаппай тәртіпсіздік салдарынан дүкендер, Эйфель мұнарасы мен мейрамханалар жабылуда, деп жазады Zakon.kz.
Осылайша Эйфель мұнарасына кіруге рұқсат жоқ. Қыдырушылар үшін 8 желтоқсанға дейін жабық. Париждің орталығындағы көптеген дүкендер мен мейрамханалар бей-берекетсіздік қайталанып кетуі мүмкін деген қауіппен сенбі күні жабылды.
Франция президенті Эммануэль Макронның әкімшілігі ереуілшілер қолдарына қару алуы мүмкін деген ескерту таратты. Ал Associated Press ереуілге қарсы тұру стратегиясын келісу үшін Париж полициясы мен жергілікті билік бірнеше рет кездескендерін айтады. Ереуілшілер өз жоспарларымен әлеуметтік желіде бөлісуде.
Президент Макрон ереуілшілердің бір талабы – бензиннің салығын көтермеуді қанағаттандырғанымен, «сары жилет» акциясына қатысушылар жаңа талап қойып отыр. Париждік құқық қорғаушыларға қатысты Триумф аркасының және Елисей алаңының бойындағы дүкендердің бүлінуіне қарсы тұра алмағандары үшін, ереуілшілерге қарсы күш қолданғандары үшін сын айтылуда.
Күні кеше Францияның ұлттық жиыны үкіметтің жанармай бағасын ұстап тұру туралы ұсынысын мақұлдады, сонымен қатар, электр энергиясы мен газ тарифіне мораторий енгізуді құптады. Бұған қоса автокөліктердің техникалық байқаудан өту ақысы көтерілмейтін болды.
Бұған дейін хабарланғандай, «сары жилетшілердің» ұзаққа созылған ереуілі Макронды бірқатар келісімге баруға мәжбүрлеуде. Осылайша Франция Францияда ел президенті былтыр алып тастаған «байлық салығы» қолданысқа қайта оралуы мүмкін.
Ол салық тоқтатылған соң қалталы француздардан жиналатын түсім 70 пайызға төмендеп кетті. Мүлік активінен басқаның барлығына салынатын салық ресми түрде тоқтатылған еді.
Бұл іс-шараларды Франция президентінің қарсыластары сынға алды. Осылайша Макронға «байлардың президенті» деген лақап ат таңылды, соның салдарынан оның іс-әрекетінің рейтингі соңғы жылы антирекорд орнатты.
ФОТО: zakon.kz
Автор:
Elitar.kz
