Ресейдің ең бай әйелдерінің бірі ұшақ апатынан көз жұмды

01 сәуір, 18:30

Германияда алты орынды бизнес-джет апатқа ұшырады. Салдарынан Ресейдегі S7 алып компаниясының директорлар кеңесінің мүшесі Наталия Филева оның әкесі қаза болды, деп хабарлайды INTERFAX.RU-ге сілтеме жасай отырып Elitar.kz.

Әуе көлігі Франкфурттен 6 шақырым жерде орналасқан Эгельсбах әуежайының маңында құлаған. Қайғылы жайттың жай-жапсары әзірге белгісіз. Ұшақ апат кезінде толықтай жанып кеткен. Апаттың нақты себебін анықтау үшін тергеу амалдары басталып кетті. Оны халықаралық комиссия мен ресейлік әуе билігі бірлесе отырып жүргізетін болады.

Ұшақты жүргізген ұшқыш та қаза тапты.

"31 наурызда Epic-LT жеке ұшағы Эгельсбах (Франкфурт-на-Майне) әуежайына қонуға бет алғанда 55 жастағы S7 Airlines акционері Наталия Филева қаза тапты",- деп хабарлады S7 компаниясының баспасөз қызметі.

Айта кетейік, 55 жастағы Наталия Филева Forbes журналы бойынша Ресейдің ең бай әйелдерінің бірі болып саналады. Басылым 2018 жылы Филеваның дәулетін 600 млн долларға бағалаған.