Түркияда РФ-ның Анкарадағы елшісі Андрей Карловтың өліміне қатысты іс бойынша тергеу аяқталды. Бұл туралы Anadolu агенттігіне сілтеме жасап Elitar.kz хабарлайды.
Дипломат өліміне қатысты істі прокурор Адем Ақынджи жүргізген. Ол айыптау қорытындысын Анкараның республикалық прокуратурасына жолдаған. Енді сондағылар құжатты бекіткен соң іс сотқа жіберіледі.
Еске сала кетсек, Ресей елшісі Андрей Карловқа 2016 жылдың 19 желтоқсанында Анкарада өткен «Ресей түріктердің көзімен» атты көрмесі кезінде шабуыл жасалып, дипломат мерт болды. Елшіге оқ атылған сәттің видеосы әлемдік БАҚ беттерінде тарап, резонанс тудырды. Ресей өкіліне шабуыл жасаған азамат түрік полицейлерінің оны ұстау операциясы кезінде көз жұмды.
Елшіге жасалған қастандық ісін тергеу кезінде күні бүгінге дейін бірнеше адам қамауға алынған. Олардың қатарында Guru медиа-груптың басшысы Хайреддин Айдынбаш пен көрме ұйымдастырушысы Мустафа Тимур Озкан бар.
ФОТО: Vesti.Ru
