Түркіменстан телеарнасы Бердымұхамедовтың демалысы туралы хабар таратты

05 тамыз, 18:30

Түрікменстан телеарнасы 4 тамызда "Ватан" жаңалықтарының шығарылымын президент Гурбангулы Бердымухамедовтың демалысын қалай өткізіп жатқаны туралы сюжетпен ашты. Кадрда Мемлекет басшысы велосипед теуіп, атта шауып, дене шынықтырумен айналысады және музыкалық аспаптарда ойнайды.

Сонымен қатар, түнгі уақытта Бердімұхамедов спорткарымен Қарақұмға шығып, республиканың басты туристік көрікті жерлерінің бірі болып саналатын жарты ғасырға жуық жанып жатқан "Дарваза" газ кратеріне жетті, деп хабарлайды РИА Новости.

Сюжеттің соңында Түркіменстан басшысының кезекті кітабын жазып жатқандығы көрсетілді. Диктордың айтуынша, Бердымухамедов алабайлар туралы еңбегін аяқтаған.

Интернет-видеосервистерде жаңалықтардың бұл шығарылымы әзірге жарияланған жоқ.

Айта кетейік, Еуразиялық проблемалар мониторингі орталығының директоры Аслан Рубаев 21 шілде күні Бердымұхамедовтың қайтыс болғаны туралы мәлімдеген болатын. Республика билігі бұл хабарды жоққа шығарды, одан кейін саясаттанушы жалған ақпарат үшін кешірім сұрады.