Сеулде қалдықтардан жасалған бұйымдар ұсыныдған ерекше көрме өтіп жатыр. Кейбір құрылыс материалдары пайдаланылған кофе дәндерінен алынады немесе пластик бөтелкелерді жеткізуден қанша табыс табуға болады. Осының бәрі туралы толыққанды ақпаратты көрмеде көріп білуге болады, деп хабарлайды Elitar.kz Хабар24-ке сілтеме жасап.
Сеулде бір қоқыс жәшігінің орнына әртүрлі қоқыс түрлеріне арналған бірнеше жәшік бар. Пластикалық бөтелкелерді сататын автоматтар да көптеп орналастырылған. 100 дана аударсаңыз, 1000 вон аласыз, бұл 300 теңгеден жоғары. Бір балмұздақ үшін жеткілікті.
Сеулдегі көрмеде бос пластик бөтелкелер өте көп. Олардың қасында олардан жасауға болатынның бәрі бар: көліктердің қосалқы бөлшектері, стақандар мен ыдыс-аяқтар. Келушілердің көзінше визит карточкасын ұстаушыны бос бөтелкеден шығарып береді.
Кореяда балаларды бос бөтелке қоқыс емес, тауар өндіруге қажетті шикізат деп үйретеді. Қолданылған бөтелкелерден жаңа бөтелкелер жасауға болады. Екіншіден, қорғаныс киімдері. Ойын арқылы балаларды жануарлармен таныстырып, тоғандарды қоқыстан тазартуға үйретеді.
Көрмеге қатысушылар кез келген пайдаланылған затқа екінші өмір сыйлау мүмкін екенін дәлелдейді. Жарамсыз шиналардан жаңа шиналар мен автокөлік бөлшектері шығарылады.
Кёнги провинциясындағы бір компания барлық құрылыс қалдықтарының үштен бірін жинап, оны ұсақтап, сұрыптайды, нәтижесінде құрылыс материалдарының жаңа шикізаты дайын. Пайдаланылған кофе дәндерінен тіпті үй салуға болады екен.
Кәсіпкерлер кофеханалармен келісім-шартқа отырып, кофе дайындағаннан кейін қалған қалдықтардан жасанды ағаш жасайды.
Жылына 1,5 мың тонна кофе қалдықтары өңделеді. Осылайша, ағаштың 51 пайызы пайдаланылған дәндерден тұрады. Үстелдер, орындықтар, жолдар, беседкалар да одан жасалған. Өнімдер қазірдің өзінде кейбір саябақтарда орнатылған.
Көмір де кофе қалдықтарынан жасалады. Ол жақсы жанады, сондықтан от жағуға және тамақ дайындауға қолданылады.
Кофенің мұндай қолданылуын табуға жергілікті кәсіпкерлердің кофе қалдықтарын қайта өңдеуге кететін шығындары итермелеген сыңайлы. Кореядағы орташа ересек адам жылына 353 кесе кофе ішеді екен. Ал кофе қалдықтарын кәдеге жарату және өртеу үшін жыл сайын шамамен 11 миллион доллар жұмсалады.
Жалпы, қалдықтарды кәдеге жарату мәселесі әрқашан өзекті болып қала бермек. Шағын елде полигондар жеткіліксіз. Сондықтан Кореяда қоқысты дұрыс сұрыптамағаны үшін үлкен айыппұлдар қарастырылған, ал қалдықтарды қайта өңдейтін компаниялар мемлекет тарапынан қолдауға ие.
