Оқиға 29 наурызда Мәскеу түбіндегі Красноармейск кентінде орын алды. Кенттегі Трудопоселок көшесінде екі қабатты ғимаратта өрт тұтанған. Марфа деген лақап атқа ие қаңғыбас ит дереу үйге кіріп, шабалана үріп, үй иелерін ұйқыларынан оятқан. Осылайша өрт оқиғасында адам шығыны орын алған жоқ деп хабарлайды Rabbit News телеграм-арнасы.
Тіпті ыстық пен от шарпып тұрса да ит сасқан жоқ, ол барлық бөлмелерді аралап, көк түтіннің арасынан 8 тұрғынға жол көрсетіп, үйден алып шықты. Оның табаны мен арқасын күйік шалғандықтан, үйден шыққан соң әлсірей құлап, тұруға шамасы болмаған.
Қазір Марфа ветеринарлардың бақылауында ем алып жатыр. Тұрғындар енді оған қайырымды адамдардың бірі иелік ететініне сенеді.
