16 қараша, 14:00
Халықтық білім беру министрлігінің бақылау-құқықтық қызметінің хабарлауынша, Жызақ облысында жергілікті футбол клубының қаржылық-техникалық базасын нығайту үшін мұғалімдерден 272,15 млн сом жиналған, деп хабарлайды Podrobno.uz-ге сілтеме жасап Elitar.kz.
Анық болғаны, 2018 жылдың 2 қарашасы күні Жызақ облысының хокимі (әкім) «Сугдиёна» кәсіпқой футбол клубының қаржылық-техникалық базасын нығайту туралы» №360-ф ұйғарымына қол қойған. Құжатқа сәйкес, 2018 жылдың 3-4 қарашасы күні бүкіл халықтық қайырымдылық асары өткізіліп, басқармалар, ведомстволар мен басқа да мекеме қызметкерлері бір күндік жалақыларын ерікті түрде команданың қаржылық-техникалық базасын нығайту үшін «Сугдиёна» кәсіпқой футбол клубының есебіне аударулары керек болған.
Жалпы халықтық қайырылымдылық асар негізінде халықтық білім беру жүйесі қызметкерлерінің жалақысынан жиналған 272 156 729 сом көлеміндегі қаржы футбол клубының есебіне аударылды.
Хокимнің ұйғарымы Өзбекстан Республикасы Министрлер кабинетінің 2018 жылғы 10 мамырдағы «Өзбекстан Республикасындағы мәжбүрлі жұмысты тоқтатудың қосымша іс-шаралары туралы» №349 қаулысына қайшы келеді.
Бұл құжат бойынша бүкіл халықтық асарлар тек Өзбекстан Республикасы Президентінің тиісті акті немесе Өзбекстан Республикасы Министрлер кабинетінің тиісті шешімі негізінде ғана ұйымдастырылады.
Халықтық білім беру министрлігінің бақылау-құқықтық қызметі облыс хокимінің 2018 жылғы 10 қарашадағы №369-ф ұйғарымын теріске шығаруды ұйымдастырды.
Қазіргі таңда «Сугдиёна» футбол клубының есебіне заңсыз аударылған қаржыны қайтару жұмыстары қолға алынған.
