Мысырдың солтүстігінде жолаушылар автобусымен жол-көлік оқиғасы орын алып, 19 адам қаза тапты, 10-нан астам адам жарақат алды, деп хабарлайды Elitar.kz ТАСС агенттігіне сілтеме жасап.
Оқиға елдің солтүстігіндегі Дакахлия провинциясында болған. Автобус провинция астанасы Эль-Мансура қаласына бет алған. Автобус жүргізушісі күрт бұрылыста тізгінге ие бола алмай, көлік аударылып, каналға құлаған.
Оқиға орнында 19 адам қаза тауып, тағы 10 адам жарақат алды. Жергілікті тұрғындар зардап шеккендерді судан шығарып, көмектеспек болған.
Оқиға орнында іздестіру шаралары жүріп жатыр, - деп хабарлайды Al Ahram.
