04 наурыз, 12:00
Оқиға Мәскеу қаласында орын алған, деп жазады РИА Новостиге сілтеме жасап Elitar.kz.
«Қаланың оңтүстік-шығысында төбелес болып, оның барысында Йеменнің үш азаматының мойнына пышақ жарақаты салынған», - деп мәлімдеді агенттіктің дереккөзі.
Оқиға орнына полицейлер дереу жедел жәрдем шақырып, жарақат алғандар ауруханаға жеткізілген.
Іздестіру барысында полицейлер 1994 және 1998 жылы туған екі қызды ұстады.
«Екеуі де бұған дейін ауыр дене жарақатын салғандары үшін сотты болған», - деп қосты дереккөз. Оның айтуынша, қазір тексеру жүргізіліп, полицейлер оқиғаның себеп-салдарын анықтау үстінде.
Мәскеу қалалық ІІМ баспасөз қызметі фактінің болғанын растады.
«Оқиға 28 ақпан күні таңғы сағат 5-те болған, қыздар ұсталды», - деп хабарлады ведомство өкілдері.
