16 мамыр, 18:00
АҚШ-тың Небраска штатының тұрғыны тірі қалу үшін аяғының бір бөлігін өз бетімен кескен. Ол туралы NBC News басылымы жазды, деп хабарлайды Elitar.kz.
Курт Кейзер (Kurt Kaser) Пендер ауылындағы фермада астық тасымалдап, хопперде (сусымалы жүктерді тасымалдауға арналған өздігінен қозғалатын бункерлік вагон) аяғын қысып алды. Вогон қозғалып тұрған болатын. 63 жастағы ер адам туған-туыстары өз шаруаларымен кетіп, ешкімнің көмегіне жүгіне алмайтынын түсінген.
Кейзер аяғын босатуға тырысты, бірақ шамасы келмеді. Сол кезде ол қалтасынан бәкісін шығарып, механизмде тұрып қалған аяғын өз бетінше кесіп алды.
"Мен солай үйге сүйретіліп жеттім", - дейді американдық.
Ол 45 метр қашықтықты еңсеріп, шұғыл көмек бригадасын шақырды. Дәрігерлер ер адамды дер кезінде ауруханаға жеткізген, бірақ кейін қызы жұмыс істейтін басқа клиникаға ауыстырылған.
Дәрігерлердің бақылауында бірнеше апта жатқан ол, жұма, 10 мамыр күні үйіне шығарылды. Оның айтуынша, қалпына келу уақыты ауыр өткен. Дәрігерлер протездің арқасында науқас жүре алады деп отыр. Журналистермен әңгіме барысында фермер қыңыр мінезі және аман қалсам екен деген ниеті осындай әрекетке қорықпай баруға итермелегенін мойындады.
