Американдық үйін ерекше сәндеп, көршілерін керемет жарық-шоумен қуантуда. Бұл көріністі тамашалау үшін тіпті көрші аудандардың тұрғындары арнайы келуде, деп xабарлайды Украина телеарнасына сілтеме жасап Elitar.kz.
Жаңа жылдық мерекелер кезінде АҚШ жаппай керемет көрініске енеді. Мұны НАСА ғалымдары да растап отыр.
«Біз түнгі фотоларды қарастыру кезінде мереке кезіндегі асқан белсінділікке таң қалдық. Тіпті, қай аудандардың тұрғындары мерекені үйлерінде қарсы алатындарын, ал енді қай ауданның халқы басқа жаққа қыдырып кететінін көріп тұрамыз», - дейді НАСА ғалымы Мигель Роман.
Ал Дэн Донафи Рождествоны өз үйінде, отбасымен бірге қарсы алмақ. Сол үшін үйін ерте бастан сәндеп қойыпты.
«Әрине, бізде Санта Клаус пен аққалаларымыз бар. Жыл сайын жаңаларын сатып аламыз. Көп алатынымыз соншалықты, тек қоятын орын қалмаған кезде тоқтаймыз», - дейді ол.
Үйді сәндеп тұрған жарықшамды санау оңай емес. Дэн 15 мыңнан кем емес дейді.
«Мен, әйелім және үлкен қызым сәндеу үшін 60 сағатқа жуық уақыт жұмсадық. Ең қиыны ағаштарға жарықшамдарын ілу болды. Үйдің шатырын да сәндеу қиын болды», - дейді Дэн.
Дегенмен, теккен тер зая кетпеді. Мұншалықты әдемілікті тамашалау үшін адамдар көрші аудандардан келуде. Себебі, әсем көріністің арасында ересектер де өздерін ертегі әлеміне тап болғандай сезінеді.
ФОТО: ашық дереккөзден
