Бейжіңде әлемдегі ең ірі Дасин әуежайының құрылысы аяқталды. Бұл туралы РИА Новости хабарлады.
Әуежай ел астанасы орталығынан 46 шақырым жерде орналасқан, ал оның аумағы бір миллион шаршы метрді құрайды. Ол ең ірі халықаралық әуежай-хаб және "әлемдегі әуежай терминалының ең күрделі инженерлік жобасы" болып табылады. Сонымен қатар, Дасин құрылымдық тігіссіз салынған әлемдегі ең ірі ғимарат болды. Әуежай 2019 жылы 30 қыркүйекте пайдалануға беріледі. 2025 жылға қарай оның өткізу қабілеті жылына 72 миллион адамды құрайды деп болжануда.
Нысан формасы феникске ұқсайды. Сәулетшілер жаңа аэровокзал ғимаратын қолданыстағы Шоуду әуежайымен байланыстырғысы келеді, ол қытай айдаһарын еске салады.
