Оқиға АҚШ-тың Фэрфилд қаласында орын алған
АҚШ-тың Коннектикут штатының тұрғыны Хайнц Вонкутитің қарттар үйіндегі әйелін көруге барамын деп басы дауға қалды, деп хабарлайды www.wtnh.com порталына сілтеме жасап Elitar.kz.
Regal Care қарттар үйіндегі әйелімен кездесуге барған қарияның жұбайын сүюге рұқсаты жоқ екен. Себебі сүйіс арқылы ол әйеліне "тыйым салынған зат" беріп жіберуі мүмкін екен. Орын алған оқиғаға орай қарттар үйіндегілер дереу полиция шақыруға мәжбүр болыпты. Бұл жайт бойынша полицейлер қарияның үстінен қылмыстық іс қозғады. Ол қазір үйінде болғанымен, сотқа келуге міндеттелген.
Американдық порталдың жазуынша, қарт Хайнц Вонкутидің үстінен қозғалып отырған бұл іс таң қаларлық емес. Себебі бұған дейін қарттар үйіндегілер тарапынан полицейлерге Вонкутиге қатысты 26 рет шақырту түскен.
ФОТО: www.stihi.ru
