Өзбекстан әйелдері үшін некеге тұру жасы президент Шавкат Мирзиеев қол қойған жарлықпен 17-ден 18-ге дейін артты. Бұл туралы Өзбекстан Әділет министрлігінің баспасөз қызметі хабарлаған.
Енді Өзбекстанның ерлер мен әйелдері үшін неке жасы бірдей болды.
Қаулыда айтылғандай, шешім ана
мен бала денсаулығын
нығайту қажеттілігінен, сондай-ақ
үздіксіз білім беру үшін жағдай жасау
қажеттілігінен туындап отыр.
Естеріңізге
сала кетейік, біздің
заңымызға сәйкес неке жасы – 18 жас. АХАТ
органдары дәлелді себептері болған
жағдайда неке жасын екі жылдан аспайтын
мерзімге төмендете алады. Неке жасына
жетпеген адамдардың некеге тұруына ата
– аналарының келісімі бойынша ғана
рұқсат етіледі. Жүктілік немесе баланың
тууы, әскери қызметке шақырылуы, кәмелетке
толмағандардың нақты отбасын құруы
дәлелді себептердің қатарына жатады.
Соның өзінде басқа да дәлелді себептердің
болуы мүмкін.
Ресейде
заң бойынша неке жасы 18 жас. Ресей
және аймақтық жергілікті заңдарда
некеге тұру жасын белгілі
бір себептермен төмендетуге заңмен
рұқсат етілген: бүкіл Ресей Федерациясы
үшін 16 жастан бастап және
жекелеген ұлттар үшін 14
жастан бастап некеге
рұқсат етіледі, мысалы, Адыгейлер
мен шешендер.
