Өзбекстан билігі сыбайлас жемқорлықпен күресудің ерекше әдісіне көшті. Құқық қорғау қызметкерлері "ақша бопсалап, "пара алмаймыз" деп қасиетті Құранмен уәде етті.
Тәртіп сақшыларының ант қабылдау рәсімінің фотосы әлеуметтік желілерде тарап кеткен. Белгілі болғандай, полицейлер Ташкент облысына қарасты Юкоричирчик ауданының қызметкерлері болып шықты.
Сыбайлас жемқорлықтың алдын алуға бағытталған бұл ант қабылдау шарасы заңға сәйкес түзілген арнайы бағдарлама аясында жүзеге асып отыр. Бұл рәсім жергілікті имамның қатысуымен өткен.
Естеріңізге сала кетсек, бұған дейін Өзбекстанда бір топ шенеунік пен ауыл шаруашылығы саласының мамандары жіберген кемшілігі үшін жазаға тартылды. Олар мұздай суда 45 минут бойы тұруға мәжбүр болған. Бұл жағдай да Ташкент облысында орын алған еді.
