Өзбекстандағы мейрамхана иелері қызмет сапасын жақсартудың жаңа әдісін тапты.
Енді Ташкенттің төріне жайғасқан белгілі мейрамханалар қызмет сапасын анықтап, тұтынушылардың талап-тілегін ескеру үшін ел арасында арнайы сауалнама жүргізбейді. Тіпті жаныңызға келіп, арнайы кітапшаға пікір жазып қалдыруыңызды да өтінбейтін болды. Тамақ мәзірінің безендірілуіне де бас қатырмайды. Себебі Өзбекстан астанасының аумағындағы мейрамханалар мен тойхана-кафелерде, дәлірегі ондағы әжетханаларға мынадай (суретте) сауалнама қағаздары ілінді. Яғни, Сіз әжетхана қағазын пайдалана отырып, мейрамхана әкімшісі ұсынған өзекті сауалдарға жауап қатасыз. Тың тәсілдің дәл бұлай жасалып, енгізілуін олар орынды деп есептейді. Бұл туралы Elitar.kz тілшісі хабарлайды.
Сондай-ақ, мұнда өзбектің ұлттық бұйымдары мен жиһаздарын, сазды аспаптарын көрнекілік ретінде қолданылған. Ою-өрнектермен көмкере безендірілгенз. Туристердің көбі өзбек тілін жетік білмеуі мүмкін екенін ескерген олар әжетхана қабырғаларына орыс тілінде әзіл-қалжыңға толы сөздерді де жазып қойған.
"Келген адам жымиып, езу тартып қайтса деген ойымыз бұл. Алдағы уақытта клиенттерімізді көбейту мақсатында тағы да қызықты идеяларды тоғыстыра отырып, жүзеге асырамыз деген жоспар бар",-деді Бекзот Худайбергенов.
