Көлік Сига префектурасында бір топ баланы қағып кетті. Бұл туралы сәрсенбі күні жергілікті құқық қорғау органдарына сілтеме жасай отып ТАСС хабарлады.
Оқиға Оцу қаласында орын алған. Көлік құралдарының бірі тәрбиешілермен бірге серуендеп жүрген балабақша жасындағы балалар тобын қағып кеткен. Оқиға кезінде олар бағдаршамның жасыл жарығын күтіп тұрған. Жергілікті құтқару қызметтерінің мәліметтері бойынша, кем дегенде 13 адам ауруханаға жатқызылды. Екі бала және бір тәрбиеші ессіз. Қазіргі уақытта полиция орын алған оқиғаның мән-жайын анықтауда.
