Көрсетілген 1 млн мемлекеттік қызметтің 200 мыңы жылжымайтын мүлік және жер кадастры мәселелері бойынша. Ал қаланың арнайы ХҚКО-ларында 273 мың автокөлік қайта тіркеуден өтіп, 70 мыңнан астам адам ауыстырылды немесе жүргізуші куәлігін алыпты.
«Бүгінде біз азаматтарға мемлекеттік қызметтерді алу кезінде барынша қолайлы жағдай жасау үшін қолдан келгеннің бәрін жасап жатырмыз. Біз 10 айдағы мемлекеттік қызметтердің ТОП-5 рейтингін жасадық. Ең танымал қызмет – жеке куәлік пен төлқұжат алу – оны 450 мың азамат пайдаланды, одан кейін көлік құралдарын қайта тіркеу, жылжымайтын мүлікті тіркеу, ЭЦҚ алу (120 мың ЭСҚ берілді) және соңында жүргізуші куәлігін беру қызметтері бар», - деді «Азаматтарға арналған үкімет» мемлекеттік корпорациясы» филиалының директоры Данабек Исабеков.
Сондай-ақ, әрбір бөлімде азаматтар электронды қызметтерді өз бетінше ала алатын өзіне-өзі қызмет көрсету секторлары бар. Ол үшін сізде үйде немесе халыққа қызмет көрсету орталығында онлайн режимінде алуға болатын ЭЦҚ болуы керек. Сонымен қатар, тұтынушыларға ыңғайлы болу үшін мемлекеттік бажды QR-код арқылы кассаға келмей-ақ төлеу мүмкіндігі жасалған. 2021 жылы үйге жеткізу қызметі де іске қосылды. Ал автокөлікті тіркеген кезде бірден автоорталық операторынан сақтандыруды алуға болады. Сондай-ақ халыққа қызмет көрсету орталығына бармай-ақ, бірнеше мемлекеттік қызметтерді банктік өтінімдер арқылы тіркеуге мүмкіндік туды.
«Халыққа қызмет көрсету орталықтарының бөлімдері ерекше қажеттіліктері бар адамдарға арналған пандустармен жабдықталған. Ал егер клиент қандай да бір себептермен ХҚО-ға бара алмаса, онда сіз біздің қызметкерді үйге шақыра аласыз. Ол үшін Бірыңғай байланыс орталығының-1414 нөміріне қоңырау шалып, өтініш қалдыру қажет. 2021 жылы біздің қызметкерлер клиенттерге 1000-нан астам рет үйге барды", - деп атап кетті Данабек Исабеков.
Айта кетейік, Шымкентте 10 Халыққа қызмет көрсету орталығы жұмыс істейді.
«Азаматтарға арналған үкімет» мемлекеттік корпорациясы 690 мемлекеттік қызмет көрсетеді, Egov порталы арқылы 645 мемлекеттік қызмет электронды түрде қолжетімді. Оларды Egov порталы арқылы, Egov мобильді қосымшасында және @ Kenes1414Bot телеграмма боты арқылы дербес алуға болады.
